کوردپرێس:

حیفزوڵڵا کوتوم ئاکادیمسیەنی کورد کە یاریدەدەری توێژینەوەی زانکۆی فوراتە سزای قورسی بەسەردا سەپا تەنها لە بەر ئەوەی ڕستەیێکی بڵاو کردبووەوە کە دەستەواژەی "بژی کوردستان"ی تێدا بووە و ئەو پەیامەی لە پەیجی تایبەتی خۆی لە تۆڕە کۆمەڵایەتییەکان بڵاو کردۆتەوە.

ئەو ئاکادیمیسیەنە کوردە پاش بڵاوکردنەوەی پەیامەکەی هەڕەشەی کوشتنی لێکرا و دواتر لێدانیان کرد و لە سەر دەرکەی ژوورەکەی ئاڵای تورکیا هەڵواسرا و دواتر لە زانکۆ دەرکرا و لە کۆتاییدا بە تۆمەتی ئەندام بوونی لە دەزگا و دامەزراوەی تیرۆریستی دەستبەسەر کرا.

ناوبراو لە وەڵامی تۆمەتەکەیدا گوتوویەتی من ناو و ئاڵای کوردستانم بەکارهێناوە کە لە دیدارە فەرمییەکانی حکوومەتی تورکیا و هەرێمی کوردستاندا خودی حکوومەت بەکاری دەهێنێت و ئەردۆغان لە دیداری لەگەڵ مەسعوود بارزانی بەکاری هێناوە.