کوردپرێس:

ڕەجەب تەیب ئەردۆغان سەرۆککۆماری تورکیا ڕۆژی شەمە 6ی نۆڤێمبێری 2021 لە ڕێوڕەسمی کردنەوەی بەنداوی ئیلیسۆدا بەشداریی کرد و لە وتارێکدا ڕایگەیاند ئەو بەنداوە گەورەترین وەڵامە بۆ دوژمنانی تورکیا.

ئەردۆغان لە وتارەکەیدا کە بە شێوەی ڕاستەوخۆ لە تەلەڤزیۆنە فەرمی و حکوومییەکانی تورکیاوە ڕووماڵ دەکرا گوتی: سەرباری هەموو کێشە و ئاستەنگەکان توانیمان کاری بەنداوەکە بگەیێنینە قۆناغی کۆتایی. ئێمە لە بیری ناکەین کە پڕۆپاگەندەی ڕەش دژی حکوومەت کرا ئەو بەنداوە وەڵامێکی قورسە بۆ دوژمنانی تورکیا".

ناوبراو ناوی کەمال قلیچدار ئوغڵۆی هێنا کە سەرۆکی جەهەپەیە و هەروەها بە هەدەپەشی گوتی: "ئێمە ناوچەی تازەی حەسەن کیێفمان بە ستایلی پەیجەیی بۆ ژیانی هاووڵاتییان بینا کرد و ئەمە جەنابی قلچدار ئوغڵۆ تەنها بە قسەکردن ناکرێت. تۆش ئەی هەدەپە کە باڵێکی پەکەکەی ئایا ئێوە دەتوانن ئەمە بکەن؟ هەر دەتوانن پلانی واتان هەبێ؟".

ئەردۆغان لە کۆتاییدا هاواری کرد و ئیدعای ئەوەی کرد کە جیاوازی نابینن لە نێوان کورد و تورک و عەرەبدا و تەنها لە بەر خاتری خوا ئەوانی خۆش دەوێت.