بەپێی هەواڵی کوردپرێس، جێن ساکی، وتەبێژی کۆشکی سپی لە کۆنفرانسێکی رۆژنامەوانیدا باسی لەوەش کرد، واشنتن خۆشحاڵە بەوەی هەڵبژاردنەکانی عێراق بەشێوەیەکی ئاشتییانە بەڕێوەچون و لەم کاتەدا چاوەڕێی راگەیاندنی ئەنجامی کۆتایی هەڵبژاردنەکە دەکەن.

دوای راگەیاندنی ئەنجامە بەراییەکانی هەڵبژاردنەکانی 10ی تشرینی یەکەم، رەوتی سەدر بە بەدەستهێنانی 73 کورسی و بەجیاوازییەکی گەورە پێش لیستەکانی دیکە کەوت و بووە براوەی یەکەمی هەڵبژاردنەکە، جێن ساکی لەم بارەیەوە وتی، واشنتن نایەوێت لەبارەی پەیوەندییەکانی لەگەڵ رەوتی سەدر بڕیار و حوکمی پێشوەخت بدات، بەڵام هیوادارن دوای پێکهێنانی لەگەڵ حکوومەتی نوێدا کاربکەن.

وتەبێژی کۆشکی سپی پیرۆزبایی ئاڕاستەی مستەفا کازمی و حکومەتەکەی کرد بەهۆی ئەوەی سەرکەوتوو بوون لە بەجێگەیاندنی بەڵێنەکەیان بۆ ئەنجامدانی هەڵبژاردنی پێشوەخت.