بەغدا 200 ملیار دینارى دیکەى بۆ هەرێمى کوردستان نارد
پوختەی هەواڵ
بەشی عێراق و هەرێمی کوردستان- حکوومەتى عێراقی فیدڕاڵ برى 200 ملیار دینارى دیکەى رەوانەى هەرێمى کوردستان کرد.
بەپێی هەواڵی کوردپرێس، سەرچاوەیێک لە وەزارەتى دارایی حکوومەتى هەرێم بە شارپرێسی راگەیاندووە کە بەغدا ٢٠٠ ملیار دیناری بۆ هەرێم ناردووە و پارەکەش گەیشتووە.
سەبارەت بە دابەش کردنى مووچەش سەرچاوەکەی وەزارەتى دارایی ئاماژەی بەوەکرد کە ئەم هەفتەیە دابەش کردنى مووچەی وەزارەتەکانى دیکە بەردەوام دەبێت و ئەگەر هەیە هەموو وەزارەتەکان لەم هەفتەیەدا مووچە وەربگرن.
هەروەها روونیشی کردەوە، وەزارەت بۆ دابەش کردنى مووچەی تەواوی وەزارەتەکان چاوەڕێی پارەکەى بەغدای دەکرد، بۆیە ئێستا کە پارەکە گەیشتووە مووچە بەبێ لێبڕین دابەش دەکرێت.
کۆدی هەواڵنێر: 60113
بۆچوونی بەکارهێنەران