بەێی هەواڵی کوردپرێس، میدیا عێراقییەکان بڵاویان کردەوه‌، دەستەی راگەیاندنی حەشدی شەعبی لە راگەیەندراوێکدا ئاماژەی بەوەداوە کە ھێزەکانیان لە میانی ئەو ئۆپەراسیۆنەی کە بە ئامانجی پاکسازیی کردنی قەزای تارمییە باکووری بەغدا و راوەدوونانی پاشماوەکانی رێکخراوی تیرۆریستی داعش ئەنجامی دەدەن، پێنج حەشارگەی داعشیان لە ناوچەکە دۆزیوەتەوە.

بەپێی راگەیەندراوەکە، پێنج حەشارگەکە لە لایەن ھێزەکانی حەشدی شەعبییەوە، تەقێندراونەتەوە و خاپوور کراون.

ئەمەیش دوای ئەوە دێت كه‌ تیرۆریستانی داعش ھێرشیان کردبووە سەر ھێزەکانی حەشدی شەعبی لە قەزای تارمییە و بە ھۆیەوە جێگری فەرماندەی فەوجی کۆماندۆ سەر بە لیوای 12ی حەشدی شەعبی، زرغام عەدنان ھانی جەنابی لەگەڵ سێ چەکداری دیکە کوژران و شەش چەکداری دیکەیش بریندار بوون.

کۆدی هەواڵنێر: 60113