پزیشکیان: بۆ پێشکەوتنی وڵاتمان پێویستمان بە مۆڵەت وەرگرتن لە کەس نییە
پوختەی هەواڵ
بەپێی هەواڵی کوردپرێس، لە پەراوێزی بەشداری کردنی لە لووتکەی "گفتوگۆی تاران"، فوئاد حوسێن، جێگری سەرۆکوەزیران و وەزیری دەرەوەی عێراق و شاندی یاوەری سەردانی کۆشکی سەرۆکایەتیی ئێرانیان کرد و لەلایەن مەسعوود پزیشکیان، سەرۆککۆماری ئێرانەوە پێشوازییان لێکرا.
بەگوێرەی ڕاگەیێنراوی وەزارەتی دەرەوەی عێراق، فوئاد حوسێن لە کۆبوونەوەکەدا، پاڵپشتی عێراقی بۆ دانوستانەکانی نێوان ئەمریکا و ئێران دووپاتکردەوە، بەو هیوایەی ڕۆڵی لە هەڵگرتنی سزاکانی سەر ئێران هەبێت.
لەبەشێکی دیکەی دیدارەکەدا پرسی هەناردەکردنی گاز و هاوردەکردنی کارەبا لە ئێرانەوە و ئاڵنگارییەکانی بەردەم ئەو پرسانەیان تاوتوێ کرد.
لەلایەکی دیکەوە پزیشکیان جەختی لە پەیوەندییەکانی نێوان هەردوو وڵات کردەوە و گوتی: خۆشگوزەرانی عێراق لە خۆشگوزەرانی ئێرانەوە سەرچاوە دەگرێت و بۆ ئەوەی ئێران پێشبکەوێت پێویستمان نییە کە لە لایەنی بیانی مۆڵەت وەربگرین.
بۆچوونی بەکارهێنەران