بارزانی و قەرەداخی داویین گۆڕانکارییەکانی ناوچەکە تاوتوێ دەکەن

پوختەی هەواڵ

مەسعوود بارزانی لە سەلاحەددین، پێشوازیی لە عەلی قەرەداغی، سەرۆكی یەكێتیی جیهانیی زانایانی موسڵمان و شاندی یاوەری كرد.

کوردپرێس: بەپێی ڕاگەیەنراوی بارەگای بارزانی، لەو دیدارەدا بیروڕا لەبارەی بارودۆخی سیاسی و دوایین گۆڕانكارییەكانی ناوچەكە و ئاییندەی كورد لە سووریا و پێویستیی پشتبەستنی لایەنەكانی سووریا بە شێوازی ئاشتیانە و دیالۆگ بۆ چارەسەری گرفتەكان ئاڵوگۆڕ كرا.

ئاماژەی بەوەش كردووە، هەر لەو دیدارەدا هەڵسەنگاندنی ئەرێنی بۆ ویست و هەنگاوەكانی لایەنە سیاسیەكانی توركیا كرا، كە بە ئاڕاستەی چارەسەری ئاشتیانە لە توركیا دەنرێن.

بەپێی ڕاگەیەنراوەكە، "بارودۆخی ناوخۆی هەرێمی كوردستان و پەیوەندییەكانی نێوان حكوومەتی هەرێمی كوردستان و حكوومەتی عێراقی فیدڕاڵ تەوەری تری ئەو دیدارە بوون و ڕۆشناییش خرایە سەر هەنگاو و گفتوگۆكانی پێكهێنانی كابینەی دەیەمی حكوومەتی هەرێمی كوردستان".

#کوردپرێس #کورد #کوردستان #مەسعوود بارزانی #سەرۆکی پارتی دیموکراتی کوردستان #عەلی قەرەداغی #یەکێتی جیهانی زانایانی موسڵمان #ئەمینداری گشتی یەکێتی جیهانیی زانایانی موسڵمان

زیاتر بخوێنەوە

هەواڵی پێشوو و داهاتوو