ئەگەری هەیە نێچیرڤان بارزانی و ئەحمەد شەرع لە تورکیا کۆ ببنەوە
پوختەی هەواڵ
گۆڤارێکی ئینگلیزی زمان بڵاوی کردەوە کە بڕیار وایە لە چەند ڕۆژی داهاتوودا نێچیرڤان بارزانی سەرۆکی هەرێمی کوردستان و ئەحمەد شەرع سەرۆک کۆماری سووریا لەمیانەی بەشداری کردن لە کۆڕبەندی ئەنتاڵیا کۆ ببنەوە.
بەپێی هەواڵی کوردپرێس، گۆڤاری ئینگلیزی زمانی new region ڕایدەگەیێنێت: "بڕیارە لە ڕۆژانی ۱۱ بۆ ۱۳ی ئەم مانگە کۆڕبەندێکی گرنگ لە شاری ئەنتاڵیای تورکیا بەڕێوەبچێت، کە چالاکییەکی سیاسی گرنگ بەخۆیەوە دەبینێت، لە کۆڕبەندەکەشدا سەرۆکی هەرێمی کوردستان و سەرۆکی سووریاش ئامادە دەبن".
ئەوەش خراوەتەڕوو، پێشبینی دەکرێت لە کۆڕبەندەکەدا نێچیرڤان بارزانی و ئەحمەد شەرع یەکتر ببینین و چاویشیان بە ڕەجەب تەییب ئەردۆغان، سەرۆککۆماری تورکیا و هاکان فیدان، وەزیری دەرەوەی ئەو وڵاتە بکەوێت.
کۆڕبەندی ئەنتاڵیا چەند ساڵێکە لە شاری ئەنتاڵیای ئەنجام دەدرێت و لەلایەن وەزارەتی دەرەوەی تورکیاوە بەڕێوەدەچێت، کە ساڵانە ژمارەیێکی زۆر لە سەرکردە و سیاسەتمەدار و سەرۆکی وڵاتان تێیدا بەشدار دەبن.
#تورکیا
#کوردپرێس
#کورد
#کوردستان
#نێچیرڤان بارزانی
#سەرۆکی هەرێمی کوردستان
#ئەردۆغان
#هاکان فیدان
#ئەحمەد شەرع
#سەرۆکی قۆناغی ڕاگوزەری سووریا
#ئانتالیا
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران