بەپێی هەواڵی کوردپرێس، ئه‌و په‌رله‌مانتاره عێراقییە نووسراوێكی بڵاو كردوه‌ته‌وه‌ كە ڕۆژی هەینی ڕابردوو ئاڕاستەی فەرمانگەی داواکاری گشتیی كردوەو نووسیویه‌تى: "ئێمە سیدیێک و لینکێكی ئەلیکترۆنی دڵشاد مستەفا محەمەد بارزانی نوێنەری حکوومەتی هەرێم لە ئەڵمانیا نیشان دەدەین كە لە باڵیۆزخانەی ئیسرائیل لە بەرلین بەشداریی ئاهەنگی نەورۆزی كردووە".

په‌رله‌مانتاره‌كه‌ ڕوونی كردوه‌ته‌وه‌، "بەوپێیەی ئەو کردەوەیە تاوانی ئاساییکردنەوە پەیوەندیی لەگەڵ قەوارەی زایۆنی پێکدەهێنێت‌ و تاوانبارە، بۆیە پێویستە بەگوێرەی یاسای ئاساییکردنەوەی پەیوەندیی لەگەڵ ئیسرائیل‌و بەیاسای ژمارە ۱ی ۲۰۲۲ سزابدرێت".

لەبه‌شێكى دیكه‌ى نووسراوەكەدا هاتووە، "تکایە پێداچوونەوەی بۆ بکەن‌ و ڕەوانەی دادگا پەیوەندیدارەکانی بکەن، بۆ ئەوەی ڕێکاری یاسایی سەبارەت بەوانەی سەرەوە بگرنەبەر".