داوا دەکەین بۆ رێگریی لە كارەساتی مرۆیی هێرشەكانی توركیا دژی بەنداوەی تشرین ڕابگیردرێت
پوختەی هەواڵ
بەپێی هەواڵی کوردپرێس، بەڕێوبەرایەتی خۆسەر لە نامەیەكدا بۆ رێكخراوی نەتەوەیەكگرتوەكان هۆشداریی داوە لەوەی، توركیا لە دوای ڕووخانی حکوومەتی بەشار ئەسەد هێرشەكانی بە هاوكاریی چەكدارانی هاوپەیمانی زیاد كردووە، هاوكات تۆپباران و بۆردوومانەكانی ئەو وڵاتە دژی بەنداوی تشرین زیانی بەو بەنداوە گەیاندووە.
بەڕێوبەرایەتی خۆسەر داوای لە نەتەوەیەكگرتوەكان كردووە، بۆ رێگریی لە كارەساتی مرۆیی هێرشەكانی توركیا دژی ئەو بەنداوە و ناوچەكانی باكووری سووریا ڕاگرێت.
لە لایەیکی ترەوە، لە نوێترین ڕاگەیەنراویدا، ڕوانگەی سووریی ئاشكرای كردووە، كە تەنها لە ساڵی نوێدا توركیا و گرووپە چەكدارانی هاوپەیمانی 23 هێرشیان دژی ناوچەكانی بەڕێوبەرایەتی خۆسەر ئەنجامدا و بەهۆیەوە 11 كەس كوژراون.
هەروەها، توركیا هەر لەو ماوەیەشدا بە فڕۆكەی بێ فڕۆكەوان هێرشی كردووەتەوە سەر وێستگەیەكی كارەبا لە حەسەكە و زیانی زۆری بە بەرهەمهێنانی كارەبای كوردستانی سووریا گەیاندووە.
بۆچوونی بەکارهێنەران