بەڕێوەبەری فێستیواڵی سەراسەریی «چیرۆکی کوردی» لە گفتوگۆ لەگەڵ کوردپرێسدا ڕایگەیاند:  بنکەی فەرهەنگی هونەریی موکریانی مەهاباد بە هاوکاریی زانکۆی کوردستان یەکەمین فێستیواڵی سەراسەریی چیرۆکی کوردی لە مەهاباد بەڕێوە دەبات.

سالار پوورمەند ڕاشیگەیاند ئامانج لە بەڕێوەبردنی ئەم فێستیواڵە ناساندنی چیرۆکی کوردی و چیرۆک نووسانی کوردە.

ناوبراو وتیشی مەرجەکانی بەشداری لە فێستیواڵی سەراسەریی چیرۆکی کوردی بەمشێوەیە:

۱- قەبارەی هەر چیرۆکێک لە ۲۰۰۰ تا ۴۰۰۰ وشە پێک هاتبێت.

۲- چیرۆکەکان بە یەکێک لە زارەکانی زمانی کوردی بێت.

۳- بە فایلی pdf  و لە کۆمەڵە فۆنتی bahij کەڵک وەربگرن.

۴- نووسینی نێوی گەورە و بچووک، شوێنی نیشتەجێ‌بوون، ژمارەی پەیوەندی و ژمارە میللی نووسەر پێویستن.

۵- لە هەر نووسەرێک تەنیا یەک چیرۆک وەردەگیرێت.

۶- چیرۆکەکان پێشتر لە هیچ گۆڤار و کتێبێک‌دا چاپ و بڵاو نەکرابنەوە.

۷- لە دەرەوەی ئەو مەرجانەی سەرەوە چیرۆک وەرناگیرێت.

سالار پوورمەند ڕاشیگەیاند دوایین دەرفەت بۆ ناردنی چیرۆکەکان ۲۰ی ڕێبەندانی ۱۴۰۳ی هەتاوی دەبێت و بەشداربووان چیرۆکەکان بە نیشانی ئەو ئیمەیلە یا ئەو ئایدی تێلێگرامە بنێرن. ئیمەیل  chirokikurdifestival@gmail.co ئایدی تێلێگرام  slain۶۴@