پێکهێنانی کابینەی نوێی، تەوەری گفتوگۆی تاڵەبانی و کونسوڵی تورکیا

پوختەی هەواڵ

جێگری سەرۆک‌وەزیرانی هەرێمی کوردستان، پێشوازیی لە کونسوڵی گشتیی کۆماری تورکیا لە هەولێر کرد و پێکەوە لەبارەی قۆناغی پاش هەڵبژاردنی پەرلەمانی کوردستان گفتوگۆیان کرد.

بەپێی هەواڵی کوردپرێس، لە کۆبوونەوەکەدا قوباد تاڵەبانی لەگەڵ ئێرمان تۆپچو، کونسوڵی گشتیی تورکیا لە هەرێمی کوردستان، لە بارەی نەخشەڕێی پاش هەڵبژاردن و هەنگاوەکانی پێکهێنانی حکوومەت و بارودۆخی گشتی ناوچەیی و هەرێمایەتی بیروڕای گشتییان ئاڵوگۆڕ کرد.

قوباد تاڵەبانی ئاماژەی بەوەکرد ئەوان پلان و بەرنامەی تایبەتی چاکسازیخوازییان بۆ داهاتوو هەیە و لە هەوڵەکانیشیان بۆ چارەسەرکردنی کێشە و کەموکوڕییەکان بەردەوام دەبن.

لای خۆشییەوە کونسوڵی گشتیی تورکیا، ئاماژەی بە گرنگی پەیوەندی نێوان وڵاتەکەی و هەرێمی کوردستان کرد لە بوارە جۆراوجۆرەکاندا.

#کوردپرێس #کابینەی دەیەم #کورد #کوردستان #پەرلەمانی کوردستان #قوباد تاڵەبانی #کونسوڵی گشتیی تورکیا لە هەولێر #ئێرمان تۆپچو

زیاتر بخوێنەوە

هەواڵی پێشوو و داهاتوو