مەسروور بارزانی: یەکێتی هۆکاری دواکەوتنی هەڵبژاردنەکان بوو
پوختەی هەواڵ
سەرۆکی حکوومەتی هەرێمی کوردستان ڕایگەیاند، یەکێتی دەیهەوێت کۆتایی بە هەرێمی کوردستان بهێنێت و هۆکاری دواکەوتنی هەڵبژاردنەکان بوو.
بەپێی هەواڵی کوردپرێس، مەسروور بارزانی سەرۆکی حکوومەتی هەرێمی کوردستان لە وتوێژێکدا لە وڵامی پرسیارێک دەربارەی دروشمی یەکێتی (کۆتایی پێدەهێنین) وتی: "دروشمی یەکێتی نابەجێیە کۆتایی بە چی دەهێنن، لە ڕاستیدا دەیانەوێت کۆتایی بە هەرێمی کوردستان و کۆتایی بە قەوارەی هەرێمی کوردستان و پێشمەرگە و ئابووریی سەربەخۆی هەرێم بهێنن".
مەسروور بارزانی لە بەشێکی دیکەی قسەکانیدا ئاماژەی بۆ ئەوە کرد: "لە ساڵی ٢٠٢٢کە دەبوو هەڵبژاردن بکرێت یەکێتی لە دۆخێکی نالەباردا بوو، بۆیە داوایان دەکرد هەڵبژاردن نەکرێت و وتیان ئەگەر بکرێت ئێمە رێگەنادەین سندووقی دەنگدان لە سلێمانی دابنرێت، ئێمەش بۆی یەکڕیزی ناوماڵی کورد بەردەوام بێت بڕیاری داواخستنی هەڵبژاردنمان دا بۆ ٢٠ی تشرینی یەکەمی ئەمساڵ".
بۆچوونی بەکارهێنەران