ڕیبەری باڵای شۆڕشی ئیسلامی پەیامێکی بڵاو کردەوە

پوختەی هەواڵ

ڕێبەری باڵای کۆماری ئیسلامی ئێران رایگەیاند: "ئیسرائیل زۆر لەوە بچووکترە، زیانی گەورە بە حیزبوڵا بگەیەنێت".

ئایەتۆڵڵا عەلی خامنەیی، رابەڕی باڵای کۆماری ئیسلامی ئێران پەیامێکی لەبارەی دۆخی لوبنان و کوژرانی حەسەن نەسڕوڵا بڵاو کردەوە ودەڵێت" کوشتنی هاوڵاتییانی بێتاوان لە لوبنان لەلایەن ئیسرائیلەوە سەرکۆنە دەکەین و وەک چۆن ئیسرائیل نەیتوانی لە غەززە سەرکەوتوو بێت، لە لوبنانیش سەرکەوتوو نابێت".

ڕێبەری باڵای شۆڕش جەختیشی لەوە کردوەتەوە، ئیسرائیل لە لوبنان سیاسەتێکی هەڵە تاقی دەکاتەوە و تەلئەبیب زۆر لەوە بچووکترە زیانی گەورە بە حیزبوڵا بگەیەنێت.

ئایەتۆڵڵا عەلی خامنەیی ئاماژەی بۆ ئەوەش کردووە، بە هەموو هێزی خۆمانەوە پشتیوانیی لە حیزبوڵا دەکەن و ئیسرائیل دەبێت لەوە تێبگات بە کوشتنی ژنان و منداڵان ناتوانێت خۆڕاگریی ئەوان تێکبشکێنێت.

ڕێبەری باڵای کۆماری ئیسلامی ئێران داواش لە هەموو موسڵمانانی جیهان دەکات بە هەموو هێزیانەوە لە بەرانبەر ڕژێمی زایۆنی بوەستنەوە.