سەرۆکی پارتی و باڵیۆزی فەرەنسا جەخت لە بەڕێوەچوونی هەڵبژاردنێکی پاک و بێگەرد دەکەنەوە
پوختەی هەواڵ
بەشی عێراق و هەرێمی کوردستان- مەسعوود بارزانی، سەرۆکی پارتی و باڵیۆزی فەرەنسا لە عێراق، لە کۆبوونەوەیەکی نێوانیاندا جەخت لە بەڕێوەچوونی "هەڵبژاردنێکی پاک و بێگەرد" لە هەرێمی کوردستان دەکەنەوە.
کوردپرێس:
بەپێی ڕاگەیەندراوێکی بارەگای بارزانی، مەسعوود بارزانی، سەرۆکی پارتی دیموکراتی کوردستان پێشوازیی لە پاتریک دۆرێل باڵیۆزی فەڕەنسا لە عێراق کرد.
بەگوێرەی ڕاگەیەندراوەکە، لە کۆبوونەوەکەدا باس لە بارودۆخی سیاسی و ئەمنیی عێراق و ڕۆژهەڵاتی ناوەڕاست بەگشتی و ئاڵەنگاری و ئاستەنگەکانی بەردەم سەقامگیری ناوچەکە کراو رۆشناییش خرایە سەر پەیوەندیی دۆستانەی نێوان هەرێمی کوردستان و فەڕەنسا و بەردەوامی و بەرەوپێشەوەبردنی پەیوەندی دۆستانەی نێوان هەردوولا بە گرنگ زانرا.
وەک لە راگەیەندراوەکەدا هاتوە، هەر لە کۆبونەوەکەدا "باس لە هەڵبژاردنی پەرلەمانی کوردستان کرا کە بڕیارە ئەمساڵ ئەنجام بدرێت و جەخت لە پێویستیی بەڕێوەچوونی هەڵبژاردنێکی پاک و بێگەرد کرایەوە".
#عێراق
#هەرێمی کوردستان
#کوردپرێس
#پارتی دیموکراتی کوردستان
#کورد
#کوردستان
#مەسعوود بارزانی
#فەڕەنسا
#هەڵبژاردن
#سەرۆکی پارتی دیموکراتی کوردستان
#هەڵبژاردنی پەرلەمانی کوردستان
#پاتریک دۆرێل
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران