ئەگەر پارتی بەشداری نەکات، سندووقی دەنگدان لە هیچ شوێنێکی هەرێم دانانرێت

پوختەی هەواڵ

بەشی عێراق و هەرێمی کوردستان- ئاری هەرسین، بەرپرسی لقی چواری پارتی لە سلێمانی جەخت لە هەڵوێستی حزبەکەی دەکاتەوە لەبارەی هەڵبژاردنی پەرلەمانی کوردستان.

بەپێی هەواڵی کوردپرێس، ئاری هەرسین، لە لێدوانێکدا بۆ رۆژنامەنووسان لەبارەی هەڵبژاردنی پەرلەمانی کوردستان وتی: "ئەگەر پارتی بەشدار نەبێت، هەڵبژاردن ناکرێت، ئەگەر هەڵبژاردنیش نەکرێت، سندووقی دەنگدان لە هیچ شوێنێکی هەرێمی کوردستان دانانرێت".

ناوبراو وتیشی :"سەرئەنجامی ئەوەی کە سندوقی دەنگدان لە بەشێکی هەرێمی کوردستان دابنرێت و لە بەشەکەی تری دانەنرێت، بەڕەسمی راگەیاندنی دو ئیدارەیییە".

ئاری هەرسین ئەوەشی خستەڕوو: "بەبڕوای ئێمە هەڵبژاردن کاتێک دەتوانیت مۆری دیموکراسی لێ بدەیت کە هیچ پیلانێکی سیاسی نەهاتبێتە ئاراوە، بەڵام پیلانی سیاسی هاتۆتە ئاراوە و ئێمەش هەڵوێستمان وەرگرتووە، ئەگەر نا ئێمە نە دژی هەڵبژاردنین نە دژی یاساین، ئێمە دژی پیلانگێڕیی سیاسین".

#کوردپرێس #پەرلەمانی کوردستان #هەولێر #سلێمانی #دهۆک #هەڵبژاردن #ئاری هەرسین #هەڵبژاردنی پەرلەمانی کوردستان #بەرپرسی لقی چواری پارتی لە سلێمانی

زیاتر بخوێنەوە

هەواڵی پێشوو و داهاتوو