بەپێی هەواڵی کوردپرێس، فەرهاد شامی بەڕێوبەری ناوەندی ڕاگەیاندنی هێزەکانی سووریای دیموکرات، ڕایگەیاند، زیندانی سناعە لە گونده‌واری حەسەکە ڕووبه‌ڕووی ئاژاوه‌ی زیندانییه‌كان بووه‌وه‌ به‌ هێرش كردنه‌ سەر دیوارەکانی زیندانه‌كه‌، ئه‌م ئاڵۆزیه‌ش هاوکاتە لەگەڵ هێرشەکانی تورکیا بۆ سەر ناوچەکانی ژێر کونترۆڵی کوردەکانی سووریا.

شامی لە چاوپێکەوتنێکدا لە کەناڵی ڕۆژئاڤا راشیگەیاند ئەو ڕاپۆرتانەی لە هاوپەیمانی نێودەوڵەتییەوە پێیان گەیشتووە، هەوڵی ڕێکخراوی داعش پشتڕاست دەکەنەوە بۆ سوود وه‌رگرتن له‌ بۆشاییە ئەمنییەکان بۆ ده‌ستپێكردنه‌وه‌ی چالاکی تیرۆریستی و کۆنترۆڵ‌کردنی شارە ستراتیژییەکان له‌ هەردوو وڵاتی سووریا و عێراق، هه‌روه‌ها ئاماژەی بە جووڵەی شانەکانی داعش كرد لە ناوچەکە هاوکات لەگەڵ هێرشەکانی تورکیا.

ئاماژەی بەوەشکرد، لەگەڵ هاوپەیمانی نێودەوڵەتی پابەندن بە نەهێشتنی شانەکانی داعش و ئۆپەراسیۆنەکانی دژی ئەو ڕێکخراوە بەردەوامن.