بەپێی هەواڵی کوردپرێس، ئاژانسی نۆرس پرێس بڵاوی کردەوە: شاندەکە بە سەرۆکایەتی باکێت قه‌دیرۆف نوێنەری وەزارەتی دەرەوەی قرغیزستانی له‌ پێنج شه‌ممه‌ی ڕابردووه‌ سه‌ردانی كوردستانی سووریایان كردبوو.

بەگوێرەی ئه‌و به‌ڵگه‌نامه‌ی نێوان هه‌ردوولا، به‌ڕێوبه‌رایه‌تی خۆسه‌ر ۶۹ منداڵ و ۲۷ ژنی خێزانی داعش ڕادەستی شانده‌كه‌ كرد.

خالد ئیبراهیم، ئەندامی دەستەی بەڕێوەبەری لە فه‌رمانگه‌ی پەیوەندییەکانی دەرەوە ڕایگەیاند، به‌ڕێوبه‌رایه‌تی خۆسەر بەردەوام دەبێت لە هاوکاری کردنی دەوڵەتی قرغیزستان، و هەموو ئەو وڵاتانەی کە هاووڵاتی و منداڵیان لە ناوچەکانمان هەیە.

ئاماژەی بەوەش کرد، بۆردوومانی بەردەوامی تورکیا بۆ سەر كوردستانی سووریا داعش هان ده‌دات تا شانه‌كانی رێكبخاته‌وه‌ و دووباره‌ هێرش بكاته‌وه‌.

قه‌دیرۆف وتی، کۆماری قرغیزستان  ستایشی قوربانیدانی هێزه‌كورده‌كانی سووریای دیموكرات و به‌ڕێوبه‌رایه‌تی خۆسه‌ری ده‌كات بۆ ڕاودونانی داعش و سوپاسی هەوڵەکانیانی کرد بۆ گەڕاندنەوەی هاوڵاتیانی وڵاتانی ئاسیا.