بەپێی هەواڵی کوردپرێس، کۆماری ئیسلامیی ئێران لە بەیاننامەیەکدا وێڕای شەرمەزار کردنی کردەوەی تاوانکارییەکەی ئیسڕائیل بە کۆمەڵکوژ کردنی نەخۆشەکان، بەتایبەتی منداڵان و ژنان لە نەخۆشخانەی ئەلمعەمەدانی لە غەززە، ئەمڕۆ چوارشەممە ۲۶ی ڕەزبەر وەک ڕۆژی ماتەمینی گشتی لە سەرانسەری وڵاتدا ڕاگەیاند.

لەم بەیاننامەیەدا هەروەها داوا لە کۆمەڵگای نێودەوڵەتی و سەرۆکی وڵاتانی جیهان و بەتایبەت وڵاتانی ئیسلامی کراوە وێڕای ئیدانەکردنی ئەمکارە بە تاوانی جەنگی دژ بە مرۆڤایەتی بناسێنن و پەیوەندییەکانیان لەگەڵ ئیسرائیلدا بپچڕێنن و باڵوێزەکانی ئیسڕائیل لەوڵاتەکانیان دەربکەن.

شه‌وى ڕابردوو وه‌زاره‌تی ته‌ندروستی فه‌له‌ستین بڵاویكرده‌وه‌، له‌ئه‌نجامی هێرشێكی فڕۆكه‌ جه‌نگییه‌كانی سوپای ئیسرائیل بۆسه‌ر نەخۆشخانەی ئەلمعەمەدانی له ‌فه‌ڵه‌ستین ۵۰۰ كه‌س بوونه‌ته‌ قوربانی ‌و سه‌دانی دیكه‌ش برینداربوونه‌ و چه‌ندین كه‌سی دیكه‌ش له‌ژێر داروپه‌ردودان‌ و هێشتا ڕزگار نه‌كراون.