لە کوردستان ئەو کەسانەی هاووڵاتییەکی خەڵکی یەکێک لە وڵاتانی دراوسێیان ئازار دابوو دەستبەسەر کران
پوختەی هەواڵ
بەشی کوردستان- بەڕێوەبەری پۆلیسی پارێزگای کوردستان ڕایگەیاند ئەو کەسانەی هاووڵاتییەکی خەڵکی "یەکێک لە وڵاتانی دراوسێیان ئازار دابوو" دەستبەسەر کران.
بەپێی هەواڵی کوردپرێس، سەردار عەلی ئازادی، بەڕێوەبەری پۆلیسی پارێزگای کوردستان لە رۆژانی رابردوودا ڤیدیۆی ئازاردانی هاووڵاتییەکی خەڵکی یەکێک لە وڵاتانی دراوسێ لە تۆڕە کۆمەڵایەتییەکاندا بڵاو بووەوە و دەستبەجێ هێزەکانمان دەستیان بە لێکۆڵینەوە لەوبارەوە کرد.
ناوبراو ئاشکراشی کرد، پۆلیس لە هەڵمەتێکدا "تۆمەتبارانی دەستگیرکرد و پەڕاوی لێکۆڵینەوەی بۆیان کردەوە و ڕادەستی لایەنی دادوەری کردن".
بەڕێوەبەری پۆلیسی پارێزگای وتیشی: ئەو کەسانەی دەستگیرکراون لە کاری خۆیان پەشیمانن.
بۆچوونی بەکارهێنەران