بەپێی هەواڵی کوردپرێس، باسم عەوادی وتەبێژی حکوومەتی عێراق لە راگەیاندراوێکدا بڵاوی کردەوە،بریارە ئەمڕۆ بەمەبەستی دانانی بەردی بناغەی ھێڵی شەمەندەفەر لەنێوان عێراق و ئێران لە سنوورى پارێزگاى بەسرە، محەمەد شیاع سودانی سەردانی ئەو پارێزگایە بکات .

وتیشی ئامانج لەکردنەوەی ھێڵی شەمەندەفەر گواستنەوەی گەشتیاران و زیارەتکارانە لە وڵاتانی ئاسیای ناوەڕاستەوە بۆ عێراق و برەو دانە بەپەیوەندییە ئابووریەکانی نێوان ئەو وڵاتانە.

هاوکات محەمەد موخبەر جێگری یەکەمی سەرۆک کۆماری ئیسلامیی ئێران ڕایگەیاندوە پڕۆژەی هێڵی ئاسنی شەلەمچە و بەسرە پلانێکی باشە لەنێوان ئێران و عێراق ، هاوکات ئاماژەی بەوە کرد کە ئەم پڕۆژەیە دوو وڵات بەیەکەوە دەبەستێتەوە و تەواوکەری ڕێگاکانی گواستنەوەی نێودەوڵەتی دەبێت.

پرۆژەکە ماوەی چەند ساڵێکە بریاری دروستکردنی لەسەردرابوو، بەڵام کارکردن تێیدا دەستی پێ‌نەکردبوو بەکردنەوەش هەنگاوێکی نوێی ئابووریی و بازرگانی عێراق و ئێران دەچێتە پێشەوە.