وەزارەتی ئەوقافی هەرێم لەسەر بێرێزیکردن قورئانی پیرۆز هاتە دەنگ
پوختەی هەواڵ
بەشی عێراق و هەرێمی کوردستان- وەزارەتی ئەوقاف و کاروباری ئایینیی حکوومەتی هەرێمی کوردستان راگەیەندراوێکی لەبارەی رووداوی بێرێزی کردن و سووتاندنی قورئانی پیرۆز لە وڵاتی سوید بڵاو کردەوە.
بەپێی هەواڵی کوردپرێس، وەزارەتی ئەوقاف و کاروباری ئایینیی حکوومەتی هەرێمی کوردستان رایگەیاندووە: "پێویستە دەزگا پەیوەندیدارەکان لەو وڵاتە، رێگری یاسایی لەم شێوە رووداوانە بکەن و بکەری سەرەکیش رووبەڕووی دادگا بکەنەوە".
دوای ئەوەی رۆژی (۲۷ـی حوزەیرانی ۲۰۲۳)، پەنابەرێکی عێراقی بەناوی سەلوان مۆمیکا لە وڵاتی سوید، دوای وەرگرتنی رەزامەندی پۆلیسی ئەو وڵاتە، هەستا بە بێرێزی کردن و سووتاندنی قورئانی پیرۆز لە بەردەم مزگەوتی گەورەی ستۆکهۆڵم.
ئەم کارەش کاردانەوەی زۆری لە وڵاتانی ئیسلامی بەدوای خۆیدا هێناو و بە فەرمیش حکوومەتی عێراق ئیدانەی ئەو رەفتارەی کردووە کە ئەو پەنابەرە عێراقییە لە وڵاتی سوید ئەنجامی داوە.
#کوردپرێس
#سوید
#قورئانی پیرۆز
#قورئان
#وەزارەتی ئەوقاف
#وەزارەتی ئەوقاف و کاروباری ئایینیی حکوومەتی هەرێم
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران