بەپێی هەواڵی کوردپرێس، ڕێبەر ئەحمەد وەزیری ناوخۆی حکوومەتی هەرێم لە کۆبوونه‌وه‌یه‌کدا لەگەڵ ئینستتیوتی ئه‌مریکا بۆ ئاشتی لە واشنتۆنی پایتەختی ئه‌و وڵاته‌ جه‌ختی کرده‌وه‌: "لە هەرێمی کوردستان ئازادی ڕادەربڕین فەراهەم کراوە و کاتێک له ‌بڵاوکراوه‌کان ده‌ڕوانیت هه‌موو شتێک ده‌بینین ‌و خه‌ڵک مافی‌ هه‌یه‌ که‌ قسه‌ له‌سه‌ر هه‌موو شتێک بکات چ‌ له‌ڕووی‌ سیاسی ‌‌و کۆمه‌ڵایه‌تی‌ یا ئابووری‌ یان هه‌ر بوارێکی‌ دیکه‌".

له ‌به‌شێکى دیکه‌ى قسه‌کانیدا وه‌زیرى ناوخۆی هەرێم وتى: "لەڕووى ئازادى ڕادەربڕینەوە لە هەرێمى کوردستان باشترین دۆخمان بۆ هەموو هاوڵاتییان به‌بێ جیاوازى فەراهەم کردوە و هیچ کەسێکیش لەسەر بۆچوونەکانى ناکرێتە ئامانج‌ و بە شانازیشەوە دەڵێم کە کەس لە زینداندا نییە لەسەر جیاوازیى بۆچوونە سیاسییەکانى".