بەپێی هەواڵی کوردپرێس، عەلی باپیر، ئەمیری کۆمەڵی ئیسلامیی کوردستان لە پەیامێکدا رایگەیاند: ئەوەی ئێستا لە هەرێمی کوردستاندا دەگوزەرێت، لە بێزاریی‌ و تووڕەیی خەڵک‌ و جەماوەر، کە لە خۆپیشانداندا بەرجەستە بووە دەرەنجامی ئیدارەدانی سەقەت ‌و خراپی حیزبییانە و بنەماڵەییانەی ٣٠ ساڵی رابردووە، لە لایەن چینی حکومڕانی هێز و پارە بۆ خۆقۆرخکەری وڵاتەوە.

ناوبراو راشیگەیاندووە "هیچ هیوایێکم بە زۆربەی هەرەزۆری چینی حوکمڕان نەماوە کە بەخۆداچوونەوە بکەن".

عەلی باپیر دەشڵێت: نازانم کەی هەندێک کەس فێری خۆپیشاندانی شەرعییانە و شارستانییانە و بیانوو بەدەستەوە نەدەرانە دەبێت؟.

نەوبراو باسی لەوەش کردووە، ئامۆژگارییێکی دڵسۆزانەی ئەو لایەنە سیاسییە‌ دەکات کە "ئەندامانی بەشێوەی نەناسراوانە و دەمامکدارانە دەخزێنێتە نێو خۆپیشاندەرانەوە"، دەست لەو کارەیان هەڵبگرن‌".

کۆدی هەواڵنێر: 60113