بەپێی هەواڵی کوردپرێس، هاوکات لەگەڵ داگیر کردنی عەفرین وێران کردن و دزینی ئاسەواری مێژووی ئەو شارە لەلایەن هێزەکانی سوپای ئازادی سووریاوە کە تورکیا پشتگیرییان دەکات، هێشتا درێژەی هەیە و میلیشیاکان بەمەبەستی قاچاخی کردنی ئاسەوارە مێژووییەکان و فرۆشتنی ئەو ئاسەوارە بە دیکەی وڵاتان بەشێک لە بینا مێژوویەکانی عەفرینیان تێکداوە.

هاوارنیووز لەمبارەوە دەنووسێت: ڕێکخراوە و ناوەندە نێونەتەوەییەکان هەمبەر ئەم هەڵمەتانە کە لەسەرەتای داگیر کردنی عەفرینەوە دەستی پێکردووە بێدەنگن. ئەوەش لەحاڵێکدایە کە بەپێی یاسا نێونەتەوەییەکان تێکدان و ڕووخاندنی ئاسەوارە مێژووییەکان لەکاتی شەڕدا قەدەغەیەوە لەڕیزی تاوانە جەنگییەکاندایە.

هیچ یەک لە یاسا نێونەتەوەییەکان و پرۆتۆکولی ژێنێڤ لەبارەی پاراستنی ئاسەواری مێژووی لە عەفرین لەبەرچاو نەگیردراون و تورکیا هیچ بڕگەیێکی ئەو ڕێککەوتنەی جێبەجێ نەکردووە.

شایانی باسە بەگوێرەی ئەو زامیارییانەی دەست کەوتوون گرووپە چەکداریەکان لەماوەی چەند مانگی ڕابردوودا 13 جار بینا مێژوویەکانیان بەمەبەستی دزینی ئاسەواری مێژووی هەڵکەندووە و چەندین پارچەی مێژووییان بۆ تورکیا گواستووەتەوە.

کۆدی هەواڵنێر: 60113