بەپێی هەواڵی کوردپرێس، لیوا یه‌حیا ره‌سوڵ، گوته‌بێژی فه‌رمانده‌یی گشتی هێزه‌کانی عێراق ده‌ستگیرکردنی گرووپێکی چه‌کدارانی داعشی رایگه‌یاند، که‌ دوو له‌ ده‌ستگیرکراوه‌کان له‌ ساڵی 2014 ده‌ستیان له‌ کۆمه‌ڵکوژییه‌که‌ی سپایکه‌ر هه‌بووه‌ له‌ پارێزگای سه‌لاحه‌دین.

یه‌حیا ره‌سوڵ، له‌ راگه‌یه‌ندراوێکی رۆژنامه‌وانیدا ئاماژه‌یداوه‌، هێزه‌کانی دژه‌ تیرۆر به‌ سه‌رپه‌رشتی فه‌رمانده‌یی ئۆپه‌راسیۆنه‌ تایبه‌ته‌کان، توانیویانه‌ جێگری والی عێراق له‌ پارێزگای ئه‌نبار ده‌ستگیر بکه‌ن، هه‌روه‌ها له‌ قه‌زای فه‌لوجه‌ش سێ تیرۆریستی دیکه‌یان ده‌ستگیرکردووه‌.

لە 12 رۆژی 12/6/2014، رێکخراوی داعش 1700 کەسی لە ناو یەکێک لە کۆشکەکانی سەدام حوسێن لە تکریت کوشت، ئەو کۆمەڵکوژیەش ناونرا کۆمەڵکوژی سپایکەر.

سەرچاوە: K24

کۆدی هەواڵنێر: 60113