بەپێی هەواڵی کوردپرێس، حەسەن ڕۆحانی سەرۆک کۆماری ئیسلامیی ئێران لە ڕێوڕەسمی ڕوونوێنی لە دەسکەوتە نیشتمانییەکانی وەزارەتی بەرگرییدا کەردانەوەی نیشان دا لەبارەی ڕاپۆرتی بەرپرسێکی وەزارەتی بەرگریی بۆ بەرهەمهێنانی درۆن لە ئێران و وتی: بە ئاوڕدانەوە لە ڕۆڵی درۆن لە جووڵە سەربازییەکاندا، ڕەنگە ئەم ئامێراە هەرزانترین و دڵنیاکەرەوەترین ئامێر بێت لەم بوارەدا و بۆ بۆردوومانیش کەڵکی لێوەردەگیرێت.

ڕۆحانی لە درێژەی وتەکانیدا جەختی کردەوە: کۆماری ئیسلامیی ئێران لەبواری سەربازیدا هەر ئامێرێک کە بەرهەمی دێنێت و ئامادەی دەکات لەسەر بنەمای ستراتێژیی بەرگری و پێشگریە و بەمەبەستی هێرش بردن نییە. ئەم کەرەستە بەرگرییانە هیچ مەترسیێک بۆسەر دراوسێکان دروست ناکات و بۆ پاراستنی سنوورەکانی وڵاتە.

لە کۆتاییدا سەرۆک کۆمار ڕایگەیاند: لە ماوەی 40 ساڵی دامەزراندنی کۆماری ئیسلامیی ئێراندا هیچ کات هێرشمان بۆسەر هیچ وڵاتێک نەکردووە و دەستپێکەری شەڕ نەبووین.

کۆدی هەواڵنێر: 60113