ئاماری گیان لەدەست دان بە کۆرۆنا لە ئێران 20 هەزار کەسی تێپەڕاند
پوختەی هەواڵ
بەشی ئێران- وتەبێژی وەزارەتی تەندروستیی ئێران ڕایگەیاند لە 24 کاتژمێری ڕابردوودا 153 تووشبووی کۆرۆنا گیانیان لەدەست دا و بەم پێیەش کۆی گیان لەدەست بە هۆی پەتاکەوە گەیشتە 20 هەزار و 125 حاڵەت.
بەپێی هەواڵی کوردپرێس، ڕۆژی چوارشەممە 29ی گەلاوێژی 1399 سیما سادات لاری وتەبێژی وەزارەتی تەندروستیی ئێران لە لێدوانێکدا دوایین ئامارەکانی لەبارەی کۆرۆناوە ڕاگەیاند و بەو پێیەش لە ماوەی 24 کاتژمێری ڕابردوودا 2 هەزار و 444 حاڵەتی نوێی تووشبوون تۆمار کراوە کۆی گشتیی تووشبووان گەیشتە 350 هەزار و 279 حاڵەت.
هەر بە وتەی سادات لاری لە ماوەی 24 کاتژمێری ڕابردوودا 153 حاڵەتی مردن بە هۆی کۆرۆنا تۆمار کراوە و کۆی قوربانییانی کۆرۆنا تا ئەم کاتە گەیشتۆتە 20 هەزار و 125 کەس.
شایانی باسە وتەبێژی وەزارەتی تەندروستی ئاشکراشی کرد تا ئەمڕۆ 302 هەزار و 528 کەس نەخۆشیەکەیان تێپەڕاندووە و نەخۆشخانەیان بەجێ هێشتووە.
کۆدی هەواڵنێر: 60113
بۆچوونی بەکارهێنەران