بەپێی هەواڵی کوردپرێس، ئەنستیتۆی ئەنجومەنی کاروبار نێودەوڵەتییەکانی ڕووسیا کە بە (ریاک) ناوبانگە لە ڕاپۆرتێکدا ڕایگەیاندووە کوردانی سووریا و حکوومەتی ناوەندیی ئەو وڵاتە بەردەوامن لە پێوەندییە بازرگانییەکان و ئەو پێوەندییانەش لە ئاستێکی باشدان.

ناوەندی ریاک جەخت دەکاتەوە دیمەش دانی بە بەڕێوەبەرایەتیی خۆسەردا نەناوە بەڵام بەردەوامن لە پێوەندییە بازرگانی و ئابوورییەکانیان.

ئیگور ماتیۆف نووسەری وتارەکە ئاماژە بەوە دەکات کە دیمەشق ئامادە بووە لەبەرامبەر 1 کیلۆ گەنمدا 400 لیرە بداتە جووتیارانی ناوچەی کوردنشینی جزیرە کە لە کونترۆڵی بەڕێوەبەرایەتیی خۆسەردایە و جەخت دەکاتەوە ئەم بابەتە دەریدەخات کە دیمەشق خوازیاری ئەوەیە پێوەندییە بازرگانییەکان پێش گەیشتن بە چارەسەری سیاسی لەگەڵ کوردەکان پەرەپێبدات.

کۆدی هەواڵنێر: 60113