ڕێژەی مردن بە کۆرۆنا لە کوردستان دیسان بەرز بوویەوە/ 3 کەسی تر بە هۆی پەتاکەوە گیانیان لە دەست دا
پوختەی هەواڵ
بەشی کوردستان- سەرۆکی زانکۆی پزیشکیی کوردستان لە لێدوانێکدا دوایین ئامارەکانی لەبارەی کۆرۆنا لە پارێزگای کوردستان ئاشکرا کرد و ڕایگەیاند لە ماوەی 24 کاتژمێری ڕابردوودا 3 حاڵەتی مردن و 16 حاڵەتی نوێی تووشبوون بە کۆۆنا لە کوردستان تۆمار کراوە.
بەپێی هەواڵی کوردپرێس ڕۆژی هەینی 24ی گەلاوێژی 1399 دوکتور فەرزین ڕەزاعی سەرۆکی زانکۆی پزیشکیی کوردستان لە لێدوانێکدا ئاماژەی بە دوایین ئامارەکانی کۆرۆنا لە کوردستان کرد و ڕایگەیاند لە ماوەی 24 کاتژمێری ڕابردوودا 16 حاڵەتی نوێی تووشبوون بە کۆرۆنا تۆمار کراوە.
ڕەزاعی زیادیشی کرد تا ئەم کاتە 426 حاڵەتی مردن بە هۆی کۆرۆنا لە پارێزگای کوردستان تۆمار کراوە.
ئاماری مردن بە هۆی کۆرۆنا بە گوێرەی ڕیزبەندیی شارەکانی پارێزگای کوردستان بەم شێوەیەی خوارەوە تۆمار کراوە:
سنە 147 حاڵەت
بانە 32 حاڵەت
سەقز 82 حاڵەت
کامێران 38 حاڵەت
قوروە 37 حاڵەت
دیواندەرە 32 حاڵەت
مەریوان 23 حاڵەت
بیجاڕ 25 حاڵەت
دێولان 10 حاڵەت
سەوڵاوا 0 حاڵەت
بۆچوونی بەکارهێنەران