بەپێی هەواڵی کوردپرێس، ماڵپەڕی فەرمیی زانستگای میزۆریی ئەمریکا لەبەشی زمانە بیانییەکانی ئەو زانکۆیەدا، زمانی کوردیی سۆرانیی زیاد کردووە و داوای لە هۆگران کردووە بەشێوەی ئۆنلاین بەشداری لە خولی پاییزەدا بکەن.

بەگوێرەی فەرماننامەکەی خۆتۆمار کردن لە بەشی زمانی کوردی؛ قوتابیێک کە لەم بەشەدا بەشدار دەبێت ڕاهێنانی خولی سەرەتایی بۆ دەکرێت و لە هەفتەیێکدا 3 کاتژمێرە و بەگشتیی خولەکە 15 هەفتە دەخایێنێت.

ئەو زانکۆیە جگەلە تۆمار کردنی ناوی خۆێندکارانی میزۆری، بانگهێشتی کەسانی دیکەشی کردووە کە دەتوانن بەپێی زانیاریی سەرەتایی بەشداری بکەن و کرێی خوێندنیان لێوەردەگیردرێت.

ڕاهێنانەکانی زمانی کوردی لەم زانکۆیەدا بریتییە لە نووسینی کوردیی سۆرانی و ئاشنا بوون لەگەڵ فەرهەنگی کوردی و قسە کردن بە کوردی.

کۆدی هەواڵنێر: 60113