ژمارەی حاڵەتەکانی تووشبوون بە کۆرۆنا لە کوردستانی سووریا بۆ 119 حاڵەت بەرز بوویەوە
پوختەی هەواڵ
بەشی سووریا- بە تۆمارکرانی 18 حاڵەتی نوێی تووشبوون بە کۆرۆنا دوا ئاماریی تووشبوون بەو ڤایرۆسە لە کوردستانی سووریا گەیشتە 119 حاڵەت.
کوردپرێس:
ژیوان مستەفا هاوسەرۆکی لیژنەی تەندروستی لە ئیدارەی خۆسەری باکووری سووریا لە لێدوانێکدا ئاماژەی بە هەڵکشانی ئاماری تووشبوون بە کۆرۆنا کردووە و دەڵێت لە کوردستانی سووریا لە ماوەی 24 کاتژمێری ڕابردوودا 18 حاڵەتی نوێی تووشبوون بەکۆرۆنا لە کوردستانی سووریا تۆمار کراوە و بەو پێیەش دوا ئاماری تووشبوون بە ڤایرۆسەکە لە ناوچەی ژێردەسەڵاتی ئیدارەی خۆسەر گەیشتە 119 حاڵەت.
بە پێی هەواڵێکی ئاژانسی هاوارنیوزیش ژیوان مستەفا لە لێدونەکەیدا ئاشکرای کردووە کە 18 حاڵەتە نوێیەکە لەم بەشانەی کوردستانی سووریا بوون: 9 حاڵەت لە قامشلۆ، 3 حاڵەت لە کۆبانێ و 2 حاڵەت لە حەسەکە و 2 حاڵەت لە دەیرەزوور و 1 حاڵەت لە رمیلان و 1 کەسیش لە ڕەقە تۆمار کراون و لە ژێر چاودێریی پزیشکیدان.
بۆچوونی بەکارهێنەران