پێوەندیی تەلەفونیی سەرۆککۆماری عێراق لەگەڵ سەرۆکی لوبنان
پوختەی هەواڵ
بەشی عێراق و هەرێمی کوردستان-دوای تەقینەوە گەورەكەی لوبنان، ئێوارەی ئەمڕۆ سەرۆک کۆمار پەیوەندییەکی تەلەفۆنی لەگەڵ سەرۆکی لوبنان ئەنجامدا و پشتیوانی عێراقی بۆ گەلی لوبنان دەربڕی.
کوردپرێس:
سەرۆک کۆماری عێراق د.بەرهەم ساڵح پەیوەندییەکی تەلەفۆنی لەگەڵ میشێل عەون سەرۆکی لوبنان ئەنجامدا و لە بارەی تەقینەوەکەی ئێوارەی ئەمڕۆی بەیروتی پایتەختی لوبنان قسەیان کرد کە ژمارەیەک هاوڵاتی بێتاوانی کردە قوربانی.
لەو پەیوەندیە تەلەفۆنییەدا سەرۆک کۆمار پشتیوانی و پشتگیری حکومەت و گەلی عێراقی بۆ گەلی لوبنانی برا دوپاتکردەوە و پرسە و ماتەمینی خۆشی بۆ کەسوکاری شەهیدەکان دەربڕی و هیوای زو چاکبونەوەشی بۆ بریندارەکان خواست.
لەلای خۆیەوە سەرۆکی لوبنان ستایشی هەڵوێستی سەرۆک بەرھەمی کرد، ھاوکات بەبایەخیشەوە باسی هەڵوێستی عێراق و هەستی برایانەی نێوان هەردو گەلی برای کرد.
بۆچوونی بەکارهێنەران