بەپێی هەواڵی کوردپرێس، سوپای تورکیا لە ناوەڕاستەکانی مانگی جوونی ڕابردووەوە هێرشە ئاسمانی و زەوینییەکانی خۆی بۆ سەر هەرێمی کوردستان زیاتر کردەوە و ڕاشیگەیاند هۆکارەکەی ڕووبەڕووبوونەوەی پەکەکە-یە.

بەڵام گۆڤاری پسپۆڕی هێرشە ئاسمانیەکان سەربە زانستگای لەندەن، دەڵێت بەربڵاویی هێرشەکانی ئەم دواییەی تورکیا لە هەرێمی کوردستان چاوەڕوان نەکراو وکەم وێنەیە و ئەنجامەکەشی کوژرانی ژمارەیێک لە هاووڵاتییانی سڤیلی کورد لە هەرێمی کوردستان بووە.

گۆڤارەکە زیادی دەکات: هێرشەکانی تا ئاستێک زیاتر بوونەتەوە کە لەلایەن وڵاتانی ناوچەکەوە مەحکووم کراون.

هەروەها لە ڕاپۆرتی مانگانەی گۆڤارەکەدا لەبارەی گیان لەدەست دانی خەڵکی مەدەنی کوردی عێراق هۆشداری دراوە.

گۆڤاری ئیرۆوارز هۆشداری دەدات بەشێوەیێکی کەم وێنە گیانی خەڵکی سڤیل لە مەترسیدایە و خەڵکی مەدەنی لە هەر سێ پارێزگای دهۆک، سلێمانی و هەولێر خەساریان لە هێرشەکانی تورکیا بینیوە.

کۆدی هەواڵنێر: 60113