200 حاڵەتی دیکەی مردن بە کۆرۆنا لە ئێران تۆمار کرا/ ژمارەی گیانلەدەستدان بە هۆی کۆرۆنا گەیشتە ڕەقەمی 12 هەزار
پوختەی هەواڵ
بەشی ئێران- وتەبێژی وەزارەتی تەندروستیی ئێران ڕایگەیاند لە 24 کاتژمێری ڕابردوودا 200 حاڵەتی نوێی مردن بە کۆرنا تۆمار کراوە بەوەش ژمارەی گیان لە دەستدان بە کۆرۆنا لە ئێران گەیشتە 11 هەزار و 930 کەس.
بەپێی هەواڵی کوردپرێس، ڕۆژی سێشەممە 17ی پووشپەڕی 1399 سیما سادات لاری وتەبێژی وەزارەتی تەندروستیی ئێران لە لێدوانێکدا دوایین ئامارەکانی لەبارەی کۆرۆناوە ڕاگەیاند و بەو پێیەش لە ماوەی 24 کاتژمێری ڕابردوودا 2 هەزار و 637 حاڵەتی نوێی تووشبوون تۆمار کراوە کۆی گشتیی تووشبووان گەیشتە 245 هەزار و 688 حاڵەت.
هەر بە وتەی سادات لاری لە ماوەی 24 کاتژمێری ڕابردوودا 200 حاڵەتی مردن بە هۆی کۆرۆنا تۆمار کراوە و کۆی قوربانییانی کۆرۆنا تا ئەم کاتە گەیشتۆتە 11 هەزار و 931 کەس.
شایانی باسە وتەبێژی وەزارەتی تەندروستی ئاشکراشی کرد کە تا ئێستا 207 هەزار کەس نەخۆشییەکەیان تێپەڕاندووە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران