کۆی ژمارەی تووشبووانی کۆرۆنا لە تورکیا 160 هەزار کەسی تێپەڕاند
پوختەی هەواڵ
بەشی تورکیا- لە تورکیا لە ماوەی ٢٤ کاتژمێری رابردوودا، ھەزار و 182 حاڵەتی تووشبوون بە ڤایرۆسی کۆرۆنای نوێ تۆمار کراوە.
کوردپرێس: بەپێی ئەو داتایانەی کە لە ماڵپەری وەزارەتی تەندروستیی تورکیا راگەیەندراوە و وەزیری تەندروستی تورکیا، فەخرەدین کۆجا لە توویتەر بڵاویکردووەتەوە، ئەمڕۆ 33 ھەزار و 559 پشکنین ئەنجام دراوە. لەم چوارچێوەیەش ھەزار و 182 حاڵەتی تووشبوون بە ڤایرۆسی کۆرۆنای نوێ تۆمار کراوە.
راگەیەندرا لە تورکیا لە ماوەی ٢٤ کاتژمێری رابردوودا 30 کەس گیانیان لەدەست داوە و کۆی ژمارەی تووشبووان بە ڤایرۆسەکە گەیشتە 160 ھەزار و 979 کەس و کۆی گشتی ئەوانەی گیانیان لەدەست داوە گەیشتە چوار ھەزار و 461 کەس.
کۆدی هەواڵنێر: 60113
بۆچوونی بەکارهێنەران