سەرۆککۆماری ئێران پیرۆزبایی لە سەرۆکوەزیرانی نوێی عێراق دەکات
پوختەی هەواڵ
بەشی ئێران- حەسەن ڕۆحانی لە پەیامێکدا پیرۆزباییی لە مستەفا کازمی سەرۆکوەزیرانی نوێی عێراق کرد کە دوو ڕۆژی ڕابردوو لە لایەن ئەنجومەنی نوێنەرانی ئەو وڵاتەوە متمانە بە کابینەکەی درا.
کوردپرێس:
حەسەن ڕۆحانی سەرۆککۆماری ئێران لە نامەیێکدا بە بۆنەی پێکهاتنی کابینەی نوێی حکوومەتی عێراقەوە پیرۆزباییی لە مستەفا کازمی سەرۆکوەزیرانی نوێی ئەو وڵاتە کرد و هیوای ئەوەی خواست کە هاوکارییە دوو قۆڵییەکانی بەغدا و تاران بەردەوام بن بۆ دەستەبەرکردنی ئاسایش و ئەمنی ناوچەکە و چارەکردنی کێشەکان.
سەرۆککۆماری ئێران لە نامەکەیدا دیسان داوای پەرەپێدان و قووڵکردنەوەی پێوەندییەکانی نێوان ئێران و عێراقی کردووە و هیوای سەرکەوتنی بۆ مستەفا کازمی و کابینە تازەپێکهێنراوەکەشی خواستووە.
بۆچوونی بەکارهێنەران