وەزارەتی تەندروستیی ئێران دوا ئاماری تووشبووانی کۆرۆنای ڕاگەیاند
پوختەی هەواڵ
بەشی ئێران- وەزارەتی تەندروستیی ئێران ڕایگەیاند تا ئەم کاتە 18407 هاووڵاتیی ئێرانی تووشی کۆرۆنا بوون و ژمارەی قوربانیانی ئەو ڤایرۆسەش گەشتۆتە 1284 کەس.
کوردپرێس:
ڕۆژی پێنجشەمە 29ی ڕەشەمەی 1398 دوکتور ڕەئیسی بریکاری وەزیری تەندروستیی ئێران لە لێدوانێکدا دوا ئاماری تووشبووانی کۆرۆنای ڕاگەیاند و بەو پێیەش تا ئەم کاتە 18407 هاووڵاتی تووشی کۆرۆنا هاتوون و 5979 کەسیش لەو ڤایرۆسە ڕزگار بوون.
هەر بە پێی ئامارەکەی وەزارەتی تەندروستی لە 24 کاتژمێری ڕابردوودا 149 کەس بە بۆنەی کۆرۆناوە گیانیان لە دەست داوە و دوا ئاماری مردووان بەهۆی ڤایرۆسەکەوە گەیشتە 1284 کەس.
بۆچوونی بەکارهێنەران