له ههرێمى کوردستان 127 ههزار خانهنشینى نایاسایى بوونیان ههیه
پوختەی هەواڵ
بەپێی هەواڵی کوردپرێس، جهمال حهوێز، سهرۆکی فراکسیۆنی یهکێتیی له پهرلهمانی کوردستان بە ئاژانسی ڕاگەیاندووە ههموو ئهوانهى پێشمهرگهى دێرین بوون له شاخ و فهرمانده بوون به وهزیر خانهنشین کراون پلهکانیان دهکرێت به سهربازى خانهنشینى باڵا، پاشان پاککردنهوه بۆ ناوى ئهو کهسانه دهکرێت که پێشمهرگه یان زیندانى سیاسى نهبوون یاخود دوو مووچه و سێ مووچهیان ههبووه.
بهرپرسێکى باڵاى یهکێتیى که ئاگادارى وردهکارییهکانى لیژنهى چاکسازییه و لهبهر ههستیاریى پرسهکه نهیویستووە ناوى ئاشکرا بکرێت، دەڵێت: پارتى 11 ههزار کادرى خۆى به شێوهیێکى نایاسایى دامهزراندووه، پاشان ههموو دۆسیهکانى به یاسایى کردووه، به جۆرێک بۆ ئهندامانى حزبهکهى بڕوانامهى ساخته و فهرمانى دامهزراندنى بۆ ئهو کهسانه دهرکردووه.
سهرچاوهیێک له ئهنجومهنى وهزیرانى ههرێم که نهیویستووە ناوى ئاشکرا بکرێت بە ئاژانسی وت: پارتى لهسهر ئاستى ههرێم زیاتر له 55 ههزار خانهنشینى نایاسایى ههیه.
وتیشى: سهرجهم ئهوانهى که لهسهر پشکى پارتى به نایاسایى دامهزراون یان وهک پێویست پابهند نین به دهوامى فهرمى، یاخود لهناو حزب دهوام دهکهن و مووچهش له حکوومهت وهردهگرن، بڕیاره له چوارچێوهى چاکسازییهکانى حکوومهت سهرجهمیان پێداچوونهوهیان بۆ بکرێت و زیاتر له ئاست و مافى خۆیان پێ نهدرێت.
کۆدی هەواڵنێر: 60113
بۆچوونی بەکارهێنەران