سنووری مێهران هێشتا بە ڕووی گەشتیاراندا نەکراوەتەوە
پوختەی هەواڵ
بەشی ئیلام- بەڕێوەبەری گشتیی ئاسایشی پارێزگای ئیلام بە سەردانێک سنووری مێهرانی بەسەرکردەوە و ڕایگەیاند دەروازە سنوورییەکە تا ماوەیێکی نادیار بە ڕووی گەشتیاراندا داخراو دەبێت بەڵام ئاڵوگۆڕی بازرگانی بە شێوەی سنووردار و بە ڕەچاوکردنی ڕێنمایییە تەندروستییەکان بەردەوام دەبێت.
کوردپرێس:
جەوهەر نادری بەڕێوەبەری گشتیی ئاسایشی پارێزگای ئیلام لە میانی بەسەرکردنەوەی دەروازەی سنووری مێهران سەردانی بەشی بازرگانی و گومرگی و وێستگەی گەشتیاری و سەنتەری چاودێری و کەرەنتینی نەخۆشانی کۆرۆنای کرد و لە نزیکەوە چاودێریی دۆخی سنوورەکەی کرد.
نادری لە سەردانەکەیدا جەختی کردە سەر ڕەچاوکردنی ڕێنمایییە تەندروستییەکان و دوورکەوتنەوەی کۆمەڵایەتی و لەو بارەیەوە ڕایگەیاند: بەشی هاتوچۆی گەشتیاریی سنووری مێهران بە مەبەستی کۆنتڕۆڵ کردنی نەخۆشیی کۆرۆنا و بە گوێرەی فەرمانی ئەنجومەنی ئاسایشی ئێران تا ماوەیێکی نادیار بەداخراوی دەمێنێتەوە بەڵام بەشی بازرگانی بە ڕەچاوکردنی ڕێنمایییە تەندروستییەکان کراوە دەبێت و بە خۆشحاڵییەوە دەبینین کە ڕێنمایییە تەندروستییەکان لەو دەروازە سنوورییە خراونەتە یەکەمایەتییەوە.
بۆچوونی بەکارهێنەران