ڕووسیا: ئەمەریکا ئێستاش هەوڵ بۆ سەربەخۆیی کوردی سووریا دەدات
پوختەی هەواڵ
بەپێی هەواڵی کوردپرێس، هەواڵدەریی تاسی ڕووسیا لە زاری سێرگەی لاڤرۆف وەزیری دەرەوەی ئەو وڵاتەوە دەنووسێت: ئەمەریکا داخوازییەکانی ئەنجومەنی ئاسایشی نەتەوە یەکگرتووەکانی بۆ ڕێز لێنان لە سەروەریی خاکی وڵاتانی دیکە پێشێل دەکات.
وەزیری دەرەوەی ڕووسیا ڕایگەیاندووە بەرپرسانی ئەمەریکی ئێستاش بەردەوامن لە پەرەپێدان بە هەستی جیایی خوازانەی کوردەکان لە ڕۆژهەڵاتی فۆرات.
تاس هەروەها دەنووسێت ئەمەریکا ئاوڕ لە داخوازییەکانی تورکیا بۆ کۆتایی هێنان بە هاوکاریی کوردانی سووریا ناداتەوە و ئەمجارەیان لە چوارچێوەی پاراستنی سەرچاوە نەوتییەکانی سووریا پشتگیری لە کوردەکان دەکات.
بەگوێرەی ئەم گۆڤارە ڕووسیە، ئامانجی ئەمەریکا لە ئامادەبوون لە کێڵگە نەوتییەکانی ڕۆژهەڵاتی سووریا کونترۆڵی پڕۆسەی بەرهەمهێنانی نەوت لە سووریایە و هەروەها بیانویێکە بۆ درێژەی پشتیوانی لە کوردەکان.
کۆدی هەواڵنێر: 60113
بۆچوونی بەکارهێنەران