بەپێی هەواڵی کوردپرێس، ئەم ئێوارەیە میدیاکانی عێراق وەڵامی سەرۆکایەتیی پەرلەمانی عێراقیان بۆ نامەکەی بەرهەم ساڵح بڵاو کردەوە و بۆ سەرکۆماریان نووسیوە "پێشتر پێمانڕاگەیاندووی کوتلە گەورەکە کامەیە".

وەڵامەکە بە ناوی حەسەن کەعبی جێگری سەرۆکی پەرلەمانی عێراق بڵاو کراوەتەوە و تێیدا بە بەرهەم ساڵح دەڵێ "پێشتر پێمانڕاگەیاندبووی کە کوتلە گەورەکەی ئەنجوومەنی نوێنەران کامەیە، هەر لەسەر بنەمای ئەم پێڕاگەیاندنەشەوە ساڵی رابردوو عادل عەبدولمەهدییتان وەک کاندیدی سەربەخۆ بۆ پۆستی سەرۆک وەزیران راسپارد بۆ پێکهێنانی حکوومەتی ئێستا".

ئەگەرچی پەرلەمانی عێراق هەمان ئەو پێکهاتەیەی هەیە کە ساڵی رابردوو هەیبووە و ئەوکات سەرکۆمار هەمان پرسیاری لە سەرۆکایەتیی پەرلەمان کردووە و ئەوانیش رۆژی دووی ئۆکتۆبەی ٢٠١٨ بە نووسراوی ژمارە م.ر ٢٥٣٥ وەڵامیان داوەتەوە.

کۆدی هەواڵنێر: 60113