بەپێی هەواڵی کۆردپرێس، بەشار ئەسەد لە دیمانەیێکیدا بۆ تەلەڤزیۆنی Raiی ئیتاڵی، ئاماژەی داوە ئەگەر رۆژێک ناچار بکرێم لەگەڵ ئەردۆغان دابنیشم و گفتوگۆ بکەم، ئەمە شانازی نییە بۆ من و هیچ شانازی بە دانیشتن لەگەڵ ئەودا ناکەم.

ناوبراو دەیشڵێت ئەردۆغان لەگەڵ ئیسلامییە توندڕەوەکان کار دەکات و لە بەرژەوەندییەکان سووریا دەدات. ئەمەش پەیوەندیی بە هەستی منەوە نییە بۆ ئەو، بەڵکوو لەبەر بەرژەوەندیی وڵاتەکەمە و بەرژەوەندیی وڵاتەکەم لە کوێ بوو بۆ ئەوێ دەچم".

هەر لە درێژەی قسەکانیدا بە ئەردۆغانی گوت موسڵمان نییە، بەڵکوو ئیسلامییە و ئیسلامیش چەمکێکی سیاسییە، بۆیە پێویستە لە یەکتری جیا بکرێتەوە.

پێشتریش ئەردۆغان لە چەندین دیمانە و میتینگدا ئاماژەی دابوو، "کە بە هیچ شێوەیێک لەگەڵ بەشار ئەسەد دانانیشێت و داواشی کردووە لە دەسەڵات نەمێنێت".

کۆدی هەواڵنێر: 60113