یەکێتی هەوڵی چارەسەرکردنی ناکۆکییەکانی نێوان هەولێر و بەغدا دەدات
پوختەی هەواڵ
بەشی عێراق و هەرێمی- ئەندامێکی یەکێتی نیشتمانیی کوردستان جەختی لەسەر هەوڵەکانی حزبەکەی کردەوە بۆ چارەسەرکردنی ئەو ناکۆکیانەی کە لە نێوان هەولێر و بەغدا ماون.
بەپێی هەواڵی کوردپرێس، بورهان شێخ لە گفتوگۆ لەگەڵ ئاژانسی "بغداد الیوم" ڕایگەیاندووە: " لەسەر بنەمای دەستووری عێراق یەکێتیی نیشتمانیی کوردستان هەوڵ دەدات ئەو ناکۆکی و کێشانەی کە لەنێوان هەولێر و بەغدا ماون، بەتایبەت پشکی هەرێمی کوردستان لە بوودجەی گشتیی ئەمساڵ و یاسای نەوت و غازی عێراق چارەسەر بکات".
ناوبراو دەشڵێت: حکوومەتی فیدراڵی عێراق بە سەرۆکایەتی محەمەد شیاع سوودانی نیازێکی باشی هەیە بۆ چارەسەرکردنی ئەو ناکۆکیانەی کە لە نێوان بەغدا و هەولێر ماون.
بۆچوونی بەکارهێنەران