پەیڕەوی ناوخۆی یەکێتی دیاریی کردووە کە ئەم حیزبە دوو هاوسەرۆکی هەیە
پوختەی هەواڵ
کوردپرێس:
بەپێی نووسراوێکی دادگای لێكۆڵینەوەی ئاسایشی هەولێر، کە ئەمڕۆ دەریكردووە و ئاراستەی یەکێتیی نیشتمانیی کوردستان و ئەنجومەنی باڵای سیاسی و بەرژەوەندیەكانی یەكێتی كردووە تێیدا هاتووە: کۆنووس و پەیڕەو و پرۆگرامی ناوخۆی حزبی یەکێتیی نیشتمانیی کوردستان لە چوارەمین کۆنگرەی خۆیاندا لە رۆژی شەممە لە رۆژی 21-12-2019 پەسەند کراوە و دیاریکراوە کە ئەم حیزبە دوو هاوسەرۆکی هەیە، هەریەک لە بافڵ جەلال تاڵەبانی و لاهور جەنگی بورهانە.
دادگای لێكۆڵینەوەی ئاسایشی هەولێر دەشڵێت: بەپێی یاسا و رێنماییەکان بەمشێوەیە مامەڵە لەگەڵ ئەم حیزبە دەکرێت و هەر زانیارییەکی دیکە هەبێت لەسەر ئەم بابەتە پێویستە بەنووسراو ئاگادارمان بکەنەوە.
لەماوەی ڕابردوودا، رۆژی ١-٢-٢٠٢٣ بەهەمانشێوە دادگای لێكۆڵینەوەی ئاسایشی هەولێر نووسراوی ئاراستەی كۆمسیۆنی هەڵبژاردنەكانی عێراق كرد و لاهور شێخ جەنگیی بە هاوسەرۆكی یەكێتی ناوبرد.
بۆچوونی بەکارهێنەران