٢٤٧ منداڵی بەرکەوتووی بوومەلەرزە لە نەخۆشخانەکانی تورکیان کە کەس نایانناسێتەوە
پوختەی هەواڵ
بەشی تورکیا- جێگری سەرۆک کۆماری تورکیا ڕایگەیاند، ٢٤٧ منداڵی زیانلێکەوتووی بوومەلەرزەکە لە نەخۆشخانەکانی ئەو وڵاتەن بەبێ ئەوەی کەس بیانناسێتەوە.
بەپێی هەواڵی کوردپرێس، فۆئاد ئۆکتای جێگری سەرۆک کۆماری تورکیا ئاشکرای کرد ژمارەی ئەو منداڵە بێ سەرپەرشتانەی لە ناوچە زیانلێکەوتووەکانی بوومەلەرزەکەی ئەمدواییە ڕەوانەی نەخۆشخانەکان کراون 1598 منداڵن.
ئۆکتای ئاماژەی بەوەش کرد، لە کۆی هەزار و ٥٨٩ منداڵی زیانلێکەوتووی بوومەلەرزە، کە بەبێ سەرپەرشتیار گواستراونەتەوە بۆ نەخۆشخانەکان ناسنامەی هەزار و ٣٤٢ منداڵ دەستنیشان کراوە و 953 کەسیان ڕادەستی بنەماڵەکانیان کراوە بەڵام ٢٤٧ منداڵ لە نەخۆشخانەکانن بەبێ ئەوەی کەس بیانناسێتەوە.
بۆچوونی بەکارهێنەران