بەپێی هەواڵی کوردپرێس، له‌کۆنگره‌یێکى ڕۆژنامه‌وانیدا له‌هۆڵى کۆنگره‌کانى ئه‌نجومه‌نى نوێنه‌رانى عێراق، گرووپی 15 که‌ له‌په‌رله‌مانتارانى کورد له‌به‌غدا پێکهاتوه‌ ئاشکرای کرد، گرووپی 15 ئێستا هاوپەیمانی هیوایە واته‌ هاوپەیمانی هیوای کوردستانی-مان ڕاگەیاندووه‌ له‌به‌غدا و له‌ناو ئه‌نجومه‌نى نوێنه‌ران.

له‌کۆنگره‌که‌دا کاوه‌ محه‌مه‌د ئه‌ندامی فراکسیۆنی گۆڕان رایگه‌یاند: دوای پێکهێنانی هاوپه‌یمانێتییه‌که‌ یه‌که‌م کاریان ره‌تکردنه‌وه‌ی کارکردنی بنه‌مای حزبیانه‌یه‌ له‌سه‌ر به‌رژه‌وه‌ندی هاوڵاتیان، هه‌روه‌ها پێداگیریانه‌ له‌سه‌ر ناسنامه‌ی کوردستانیان و ده‌ستکه‌وته‌کانی کوردستان.

کاوه‌ محه‌مه‌د وتیشی، کارده‌که‌ن بۆ بونیادنانی په‌یوه‌ندییێکی ته‌ندروست له‌نێوان هه‌رێم و به‌غدا، هه‌روه‌ها کاریش بۆ گێڕانه‌وه‌ی هیوا ده‌که‌ن بۆ هاوڵاتیان که‌ به‌هۆی خراپی دۆخی سیاسییه‌وه‌ متمانه‌یان نه‌ماوه‌.

کۆدی هەواڵنێر: 60113