بەپێی هەواڵی کوردپرێس، به‌گوێره‌ی راگه‌یه‌ندراوێكی نوسینگه‌ی راگه‌یاندنی سه‌رۆكی یه‌كێتی، ئه‌مشه‌و بافڵ جه‌لال تاڵه‌بانی سه‌رۆكی یه‌كێتیی نیشتمانیی كوردستان و ھادی عامری، سه‌رۆكی ھاوپه‌یمانیی فه‌تح له‌ به‌غدا كۆبوونه‌وه‌.

ئاماژه‌ به‌وه‌ش كراوه‌، له‌ كۆبوونه‌وه‌كه‌دا گفتوگۆ له‌باره‌ی دۆخی سیاسی و تێپه‌ڕاندنی به‌ربه‌سته‌كان كرا و هه‌نگاوه‌كانی تێپه‌ڕاندنی ئه‌و ته‌نگه‌ژه‌ سیاسییه‌ی عێراقی تێكه‌وتووه‌ تاوتوێ كرا.

سه‌رۆكی یه‌كێتیی نیشتمانیی كوردستان جه‌ختی له‌ گفتوگۆ و رێككه‌وتنی نیشتمانی كرده‌وه‌ له‌سه‌ر بنه‌مای ده‌ستور و هاوبه‌شیی راسته‌قینه‌.

سه‌رۆكی یه‌كێتی وتیشی: "عێراق به‌ دۆخێكی سیاسی هه‌ستیاردا تێده‌په‌ڕێت و ئه‌ركی هه‌موولایه‌كه‌ به‌ رۆحێكی به‌رپرسیارانه‌وه‌ مامه‌ڵه‌ بكه‌ن و كار بۆ بونیادنانی داهاتوویه‌كی سه‌قامگیر بكه‌ن".