وزیری پێشمەرگەی هەرێمی کوردستان جارێکی دیکەی هەڕەشەی دەستلەکارکێشانەوە دەکات
پوختەی هەواڵ
بەشی عێراق و هەرێمی کوردسان- دوای نزیکەی دوو هەفتە لە هەڕەشەی دەستلەکارکێشانەوەی، جارێکی دیکە وەزیری پێشمەرگەی هەرێمی کوردستان هەڕەشەی دەستلەکارکێشانەوە دەکات.
بەپێی هەواڵی کوردپرێس، ئەمڕۆ شەممە 17-09-2022، سەرچاوەیەکی ئاگادار لە وەزارەتی پێشمەرگەی هەرێمی کوردستان بە رووداوی گوت، نیگەرانییەکانی شۆڕش ئیسماعیل، وەزیری پێشمەرگە نەڕەویونەتەوە و جارێکی دیکە هەڕەشەی کردووە کە دەستلەکار دەکێشێتەوە، ئەگەر پارتی و یەکێتی دەست لە کاروباری وەزارەتەکەی وەربدەن.
شایانی باسە وەزیری پێشمەرگە لە پشکی یەکێتی نیشتمانی کوردستانە؛ لە پشکی پارتی دیموکراتی کوردستان سەربەست لەزگین، بریکاری وەزیرە و وەکوو کەسی یەکەمی حیزبەکە لە وەزارەتی پێشمەرگە هەژمار دەکرێت.
بۆچوونی بەکارهێنەران