بەپێی هەواڵی کوردپرێس، باڵیۆزخانەی ئەمریکا لە عێراق، ئەمڕۆ دووشەممە لە راگەیەندراوێکدا بڵاوی کردوەتەوە، نابێت رێگە بدرێت ئاسایش و سەقامگیریی و سەروەریی عێراق بخرێتە مەترسیەوە، خۆپیشاندان رەگەزێکی سەرەکی دەوڵەتە دیموکراتییەکانە، بەڵام پێویستە خۆپیشاندەران رێز لە دامەزراوە و ماڵ و موڵکی حکوومەت بگرن.

لە بەشێکی دیکەی راگەیەندراوەکەدا هاتووە،"ویلایەتە یەکگرتووەکانی ئەمریکا، نیگەرانە زیادبوونی گرژییەکان، داوا لە هەموو لایەنەکان دەکات هێمنی خۆیان ببپارێزن و خۆیان بەدووربگرن لە هەر جۆرە مامەڵەیەکی توندوتیژانە.

هەر لە راگەیەندراوەکەدا ئاماژە بەوەکراوە،"ئێستا وەختی گفتوگۆی لایەنەکانە بۆ چارەسەری ناکۆکیەکان، خۆپیشاندان رەگەزێکی سەرەکی دەوڵەتە دیموکراتییەکانە، بەڵام پێویستە خۆپیشاندەران رێز لە دامەزراوە و ماڵ و موڵکی حکوومەت بگرن، هیوادارین گەلی عێراق رێگە بە دامودەزگاکان بدەن کاری خۆیان ئەنجام بدەن".